KQZ nis numërimin e votave me postë

PRISHTINË — Komisioni Qendror i Zgjedhjeve (KQZ) njoftoi të premten mbrëma se ka nisur numërimin e votave me postë. “Fletëvotimet nga votimi me postë janë sistemuar në kuti votimi sipas komunave prej nga vijnë votuesit. Aktualisht procesi ka nisur me një kuti votimi”, tha KQZ-ja.

Sipas të dhënave të KQZ-së, numri i përgjithshëm i votuesve që kanë votuar me postë është rreth 105 mijë. Deri tash janë numëruar 34 nga 47 vendvotimet në përfaqësi diplomatike. Gjithashtu kanë mbetur për t’u numëruar edhe rreth 60 vendvotime në Prishtinë.

Rezultatet aktuale tregojnë se Lëvizja Vetëvendosje (LVV) ka 50 ulëse, Partia Demokratike e Kosovës (PDK) 23, Lidhja Demokratike e Kosovës (LDK) 19 dhe Aleanca për Ardhmërinë e Kosovës (AAK) 8. Numërimi i votave me postë pritet të ndryshojë në mënyrë të ndjeshme këtë shpërndarje të ulëseve, para shpalljes së rezultateve përfundimtare nga KQZ-ja.

Burim: Koha.net
— Redaksia ZHURMA