Ku u arrestua 37-vjeçari kosovar i kërkuar për grabitje?
E ndaluan më 8 korrik në komunën Buturugeni pasi kërkohej me urdhër-arrest evropian për grabitje në Gjermani.
GIURGIU — Policia rumune e ndaloi më 8 korrik në komunën Buturugeni të qarkut Giurgiu 37-vjeçarin kosovar ndaj të cilit ishte lëshuar urdhër-arrest evropian nga autoritetet gjermane për grabitje. Aksioni u zhvillua pas një kërkese të Inspektoratit të Policisë së Qarkut Braila.
Ai dyshohej për përfshirje në disa raste grabitjeje dhe vjedhjeje. Operacioni u realizua nga efektivët e Shërbimit të Hetimeve Penale në Giurgiu, në bashkëpunim me njësinë policore rurale të stacionit nr. 6 në Mihăilești, ku ata arritën të lokalizonin dhe ta vinin në pranga të dyshuarin.
Pas arrestimit, ai u dërgua në Qendrën e Paraburgimit dhe Ndalimit të Policisë së Bukureshtit, me mbështetjen e forcave speciale të Shërbimit të Operacioneve Speciale. Ndërkohë, autoritetet rumune pritet të vijojnë procedurat ligjore për dorëzimin e tij tek autoritetet gjermane.
Burim: Gazeta Metro
— Redaksia ZHURMA