Kosova ndalon udhërrëfyesit turistikë pa licencë

PRISHTINË — Në Republikën e Kosovës ka nisur zbatimi i plotë i Ligjit për Turizmin, i cili përcakton se shërbimet e udhërrëfimit turistik mund t'i ofrojnë vetëm personat e licencuar. Ky proces ka hyrë zyrtarisht në fuqi më 1 gusht 2026, menjëherë pas përfundimit të fazës informuese për të gjithë operatorët.

Departamenti i Turizmit i Ministrisë së Kulturës, Rinisë dhe Sportit ka njoftuar se ka nisur koordinimin me Policinë Kufitare dhe Inspektoratin e Tregut. Këto institucione, së bashku me udhërrëfyesit e licencuar, do të bashkëpunojnë ngushtë në terren për të ndaluar personat pa licencë që të ushtrojnë këtë veprimtari turistike.

Ministria ka publikuar gjithashtu listën e plotë të udhërrëfyesve të licencuar në uebfaqen e saj, e cila përmban të dhënat e kontaktit dhe llojin e licencës për secilin udhërrëfyes. Zbatimi i këtyre masave pritet të rrisë nivelin e profesionalizmit, rregullimit dhe sigurisë për të gjithë sektorin e turizmit në vend.

Burim: KultPlus
— Redaksia ZHURMA