Sport
KOS
Kosova eliminohet nga Lojërat Mesdhetare pas humbjes ndaj Turqisë
Volejbollistet e Kosovës pësuan 3:0 nga Turqia në ndeshjen e fundit të grupeve, duke u renditur të tretat në grup.
Redaksia ZHURMA
18:05
1 min lexim
Volejbollistet e Kosovës u ndalën në fazën e grupeve të Lojërave Mesdhetare, pas humbjes 3:0 nga Turqia në takimin e fundit. Dy setet e para u mbyllën 25:17, ndërsa i treti 25:18.
Kosova e mbylli grupin në vendin e tretë, pas Turqisë dhe Greqisë, duke mbetur jashtë gjysmëfinales. Për avancim, skuadrës i duhej fitorja ndaj Turqisë, por nuk arriti ta siguronte.
Në ndeshjet e mëparshme, Kosova kishte pësuar humbje nga Greqia, ndërsa kishte triumfuar ndaj Algjerisë dhe Maqedonisë së Veriut.