Blerina Matraku përlotet për babanë pas videove intime

Këngëtarja Blerina Matraku ka mbyllur intervistën e saj në emisionin “Goca dhe Gra” në një moment emocional, duke u përlotur teksa ka folur për babanë e saj pas publikimit të videove intime me kompozitorin Adi Hila. E pyetur për të atin, ajo nuk i ka përmbajtur lotët dhe ka treguar se ngjarja e ka rënduar shumë emocionalisht.

Matraku u shpreh se i janë dashur disa ditë për të mbledhur veten dhe se fjalët e babait të saj i kanë mbetur thellë në mendje. Ajo rrëfeu se ka kaluar ditë të vështira duke u përpjekur të gjente forcën për të përballuar situatën, ndërsa shtoi se është përdorur dhe se është sulmuar e gjykuar më shumë se sa e meritonte. Këngëtarja theksoi se nuk e ka turpëruar familjen e saj dhe se do ta ketë babanë pranë kudo që të shkojë.