Pse Kosova nuk përbën rrezik për anëtarësimin në BE?

— Komisionerja për Zgjerimin, Marta Kos, deklaroi se protestat në Shqipëri nuk përbëjnë rrezik për procesin e anëtarësimit të vendit në Bashkimin Evropian. Ajo theksoi se mbrojtja e mjedisit është një nga kriteret kryesore të procesit të integrimit.

Në konferencën e përbashkët për shtyp me ministrin e Shtetit për Çështjet Evropiane dhe Mbrojtjen e Irlandës, Thomas Byrnedhe kryeministrin Edi Rama, pas Konferencës së IX Ndërqeveritare Shqipëri-BE, Kos u pyet nëse protestat e fundit mund të ndikojnë në rrugëtimin europian të Shqipërisë.

“Ne nuk e shohim rrugëtimin e Shqipërisë dhe Bashkimit Evropian në rrezik. Prova e sotme është që kemi mbyllur tre kapituj”, deklaroi Kos. Ajo u ndal te çështja e legjislacionit mjedisor dhe zonave të mbrojtura, duke theksuar se Shqipëria duhet të përshtatë kuadrin ligjor me standardet e Bashkimit Evropian.

Lidhur me projektin specifik, mbrojtja mjedisore është pjesë e kritereve të anëtarësimit në BE, kritere shumë të rëndësishme dhe aktualisht ka një sërë ligjesh që duhen ndryshuar për të përmbushur këtë kriter, tha Komisionerja për Zgjerimin.

Sipas saj, përpara nisjes së protestave, Shqipëria dhe Komisioni Evropian kishin rënë dakord që gjatë këtij viti të rishikoheshin ndryshimet e vitit 2024 në ligjin për zonat e mbrojtura, si dhe të shfuqizohej ligji për investimet strategjike.

Këto ndryshime do të duheshin bërë për të mbyllur negociatat për kapitullin 27, që ka të bëjë me mjedisin dhe ndryshimin e klimës. Do t’i inkurajoja autoritetet, siç dëgjuam që do ta bëjnë këtë gjë, që të ecin përpara sa më shpejt të jetë e mundur, u shpreh Kos.

Ajo theksoi se protestat janë pjesë e proceseve më të gjera demokratike dhe mënyra se si vendet i trajtojnë këto protesta janë pjesë thelbësore e proceseve pluraliste demokratike. “Protestat janë pjesë e proceseve më të gjera demokratike dhe mënyra se si vendet i trajtojnë këto protesta janë pjesë thelbësore e proceseve pluraliste demokratike”, deklaroi Kos.

Jemi të sigurt që asgjë nuk do të ndodhë në këtë fushë që nuk do të jetë e harmonizuar me legjislacionin europian, tha Marta Kos.

Burim: ATSH, https://ata.gov.al/2026/07/14/kos-legjislacioni-per-zonat-e-mbrojtura-duhet-te-harmonizohet-me-standardet-europiane-protestat-pjese-e-proceseve-demokratike/

— Redaksia ZHURMA