Çfarë u gjet gjatë kontrollit blic në burgun e Fushë Krujës?
Forcat Operacionale dhe Speciale të Burgjeve kanë zhvilluar kontrolle të detajuara me urdhër të drejtorit Adriatik Kupi.
FUSHË KRUJË — Drejtoria e Përgjithshme e Burgjeve ka vijuar kontrollet për forcimin e masave të sigurisë në IEVP Fushë Krujë. Mbrëmjen e 26 majit, me urdhër të Drejtorit të Përgjithshëm të Burgjeve, Adriatik Kupi, Forcat Operacionale dhe Forcat Speciale të Burgjeve zhvilluan kontrolle të detajuara. Gjatë kontrollit u gjet një celular në një qeli. Kontrollet synojnë parandalimin e futjes dhe mbajtjes së sendeve të ndaluara brenda institucionit.
Burim: ABC News
— Redaksia ZHURMA