Kur mund të dëgjoni muzikën amerikane në Prishtinë?

PRISHTINË — Filharmonia e Kosovës mban sonte, më 9 korrik, koncertin 'Americana', i cili ishte planifikuar fillimisht për më 8 korrik. Ngjarja do të zhvillohet në Sheshin 'Skënderbeu', duke filluar nga ora 20:30, me Orkestrën e Filharmonisë së Kosovës që do të interpretojë një program të pasur me muzikë amerikane.

Shtyrja për një ditë u bë duke pasur prioritet sigurinë e publikut, artistëve dhe stafit, si dhe për të garantuar zhvillimin e ngjarjes në kushte sa më të mira. Parashikimet fillimisht paralajmëronin reshje shiu dhe stuhi në Prishtinë.

Koncerti 'Americana' organizohet në kuadër të shënimit të 250-vjetorit të Pavarësisë së Shteteve të Bashkuara të Amerikës. Filharmonia i ka bërë thirrje qytetarëve t'i bashkohen kësaj mbrëmjeje festive.

Burim: KultPlus
— Redaksia ZHURMA