Dyshohet se dy vajza nga darsma e Kushtrimit dhe Aurorës janë banorët e reja

Sezoni i ri i Big Brother VIP Kosova po zgjon interesim të madh, ndërsa emrat e mundshëm të pesonazheve që mund të bëhen pjesë e këtij formati po komentohen gjithnjë e më shumë. Së fundmi, vëmendje ka marrë edhe darsma e Kushtrimit Kelajt dhe Aurorës Rustës, ku thuhet se ishin të pranishme edhe dy vajza që po përfliten si banore të mundshme të sezonit të ri të këtij reality show.

Prania e tyre e mundshme në këtë ceremoni ka shtuar kureshtjen e publikut, sidomos te ndjekësit që po presin me interes të mësojnë se cilët emra do të jenë pjesë e shtëpisë më të famshme në Kosovë. Megjithatë, deri më tani nuk ka konfirmim zyrtar për identitetin e dy vajzave apo për pjesëmarrjen e tyre në sezonin e ri. Mbetet të shihet nëse këto aludime do të rezultojnë të vërteta dhe nëse emrat e tyre do të bëhen pjesë e formatit.