Kombëtarja rinis stërvitjet për përballjen e fundit në Ligën e Kombeve ndaj Bjellorusisë
Pas fitores kundër Finlandës, kuqezinjtë nisën përgatitjet nën drejtimin e trajnerit Maran për ndeshjen e së dielës në Hungari.
Redaksia ZHURMA · · Përditësuar · 1 min lexim
Pas suksesit 2-0 ndaj Finlandës, Kombëtarja shqiptare u rikthye në fushë për të nisur përgatitjet e ndeshjes së fundit të grupit C1 në Nations League kundër Bjellorusisë. Gjatë seancës stërvitore, trajneri Maran e ndau grupin në dy pjesë, ku lojtarët e aktivizuar titullarë zhvilluan rikuperim në palestër dhe fizioterapi, ndërsa pjesa tjetër u fokusua te puna me topin dhe situatat e lojës.
Përgatitjet do të vijojnë me seancën e fundit në ambientet e «Shtëpisë së Futbollit» para udhëtimit drejt Hungarisë. Ndeshja do të luhet të dielën në stadiumin «Illovszky Rudolf Stadion», ku në orën 18:00 do të nisë sfida, ndërsa më parë trajneri dhe një lojtar do të dalin në konferencën për mediat në të njëjtin stadium.
