Krijohen kolona në daljet e Kosovës — deri në 2 orë pritje në Jarinjë
Pritje deri në 40 minuta ka edhe te Dheu i Bardhë, ndërsa në Merdarë qytetarët po përballen me vonesa deri në gjysmë ore.
JARINJË — Fluksi i shtuar i automjeteve ka shkaktuar kolona në disa pika kufitare të Kosovës, ku vonesat më të theksuara janë për dalje. Sipas të dhënave zyrtare, në pikën kufitare në Jarinjë qytetarët po presin deri në dy orë për të kaluar kufirin.
Kolona ka edhe te Dheu i Bardhë, ku pritjet për dalje arrijnë deri në 40 minuta, si dhe në Merdarë ku qytetarët përballen me pritje prej 20 deri në 30 minuta. Në pikat tjera kufitare situata paraqitet më e qetë.
Në shumicën prej tyre, pritjet për hyrje dhe dalje zgjasin vetëm 3 deri në 5 minuta, ndërsa në Han të Elezit për dalje pritet 5 deri në 10 minuta. Autoritetet kufitare po monitorojnë fluksin dhe u kërkojnë qytetarëve kujdes.
Burim: Sinjali
— Redaksia ZHURMA
