Pse nuk funksionon koalicioni mes Mendi Qyrës dhe VMRO-DPMNE-së?

STRUGË — Edhe pse më se e qartë është se ka mospajtime në koalicionin në nivel lokal në Strugë mes kryetarit të komunës Mendi Qyra dhe VMRO-DPMNE, të dyja palët publikisht mohojnë mosmarrëveshjet tillë. Megjithatë, opinioni ishte dëshmitar kur në seancën e fundit të këshillit të komunës, madje pesë pika të cilat autoritetet lokale donin t'i kalonin, nuk morën dritë jeshile, pasi nuk u mbështetën nga gjashtë këshilltarët e VMRO-DPMNE-së. Midis pikave që dështuan janë dy nisma të Qyrës: propozimi për ndalimin e pedalinave në bregdetin e Strugës dhe propozimi për rregulloren e pajisjeve urbane. Ashtu nuk kaloi as propozimi për rritjen e çmimit të parkingjeve, as vendimi për miratimin e studimit të fizibilitetit për dhënien e koncesionit dhe vendosjen e partneritetit publiko-privat për "Kontrollin dhe menaxhimin e problemit me qentë endacakë". Qyra për Alsat tha se është i zhgënjyer nga ky qëndrim, por shpreson se koalicioni do të vazhdojë të funksionojë. Nga ana tjetër, Mite Stefoski, kryetar i Këshillit të Komunës së Strugës për VMRO-DPMNE, shpjegoi se për disa pika fare nuk janë konsultuar dhe se këshilli mori vendime për pikë që ishin në kundërshtim me Kushtetutën dhe ligjet. Ai theksoi se parti është demokratike dhe që mosmarrëveshjet brenda seancës nuk duhet të marrin në mënyrë dramatike as të shihen në prizmin e marrëveshjeve ndërkoalicionuese, duke insistuar se nuk ekzistojnë probleme në funksionimin e koalicionit.

Burim: Almakos
— Redaksia ZHURMA