Kastrioti mposhtet thellë nga Raimond Sassari në Kupën Evropiane
Kastrioti i Ferizajt ka regjistruar humbje në ndeshjen e parë të raundit të dytë të Kupën Evropiane në hendboll, teksa përgatitet për takimin e kthimit.
Redaksia ZHURMA · · 1 min lexim
Në përballjen e parë të vlefshme për raundin e dytë të Kupës Evropiane në hendboll, skuadra ferizajase u mposht në udhëtim nga Raimond Sassari. Kampioni i Kosovës u ndal me shifrat 37:28 në sfidën e luajtur mbrëmjen e së shtunës në tokën italiane.
Përfaqësuesja kosovare hyri në këtë ndeshje me mungesa të theksuara në formacion, pasi udhëtoi pa katër lojtarë të përbërjes startuese. Pavarësisht rezultatit negativ, Patryk Dawid Gregułowski udhëhoqi repartin ofensiv me nëntë gola të realizuar. Ndërkohë, Adonit Isufi dhe Vuk Lakiçeviq shtuan nga pesë gola secili, kurse portieri Rinis Asllani arriti të ndalte tetë gjuajtje.
Sfida vendimtare e kthimit është caktuar të zhvillohet të dielën nga ora 19:15, ku ferizajasit do të kërkojnë përmbysjen e rezultatit duke shfrytëzuar epërsinë e fushës vendase.
