Si po përgatitet Kai Rooney për rikthimin te Manchester United?
Sulmuesi 16-vjeçar, djali i legjendës Wayne Rooney, njoftoi përmes rrjeteve sociale gatisinë për fazën përgatitore pas një dëmtimi të rëndë.
— Talenti 16-vjeçar i Manchester United, Kai Rooney, ka njoftuar se është plotësisht gati për rikthimin në fushë. Përmes fotografive në Instagram, sulmuesi i ri tregoi se gjatë pushimeve verore ka kombinuar çlodhjen me punë intensive fizike, duke përdorur mbishkrimin "Roll on pre-season" për të shprehur padurimin për fillimin e fazës përgatitore.
Rikthimi vjen pas një periudhe të vështirë, pasi Rooney e mbylli sezonin e kaluar para kohe në muajin mars për shkak të një dëmtimi. Para kësaj gjë, ai ishte një nga lojtarët më spikatur të ekipit U16 të Manchester United, ku ndihmoi skuadrën për të fituar një trofe, përpara se të premtonte se do të kthehej më i fortë.
Gjatë kohës së rehabilitimit, Kai ka punuar në palestër, duke pësuar një transformim të dukshëm fizik. Ky përkushtim e pozicionon atë si një nga talentet më premtues të akademisë, ndërsa pritet që në sezonin e ri të marrë një rol të rëndësishëm te skuadra U18 e klubit.
Përtej aspektit fizik, 16-vjeçari ka theksuar dëshirën për të ndërtuar karrierën e tij pa u krahasuar me babanë, legjendën Wayne Rooney. Ai deklaron se është i fokusuar vetëm te vetja dhe te arritja e niveleve më të larta, duke kërkuar të krijojë emrin e tij si person i pavarur.
Burim: Gazeta Express
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.