Kadrijaj: Mjerë shqiptari që deponoi dosje për ushtarët e UÇK-së

Deputetja e Aleancës, Time Kadrijaj, deklaroi se beson fuqishëm se ish-krerët e UÇK-së do të lirohen. Ajo i bëri këto komente në emisionin “Shoqet” në Klan Kosova, pak ditë para vendimit në Hagë.

Kadrijaj kritikoi ashpër shqiptarët që, sipas saj, kanë deponuar dosje dhe materiale në gjykata kundër ushtarëve të UÇK-së. “Mjerë ai shqiptar që ka bashkëpunuar me Serbinë dhe që ka deponuar materiale nëpër gjykata për cilindo ushtar”, u shpreh ajo.

Deklarata vjen në një kohë kur pritet vendimi final i Gjykatës së Hagës për ish-krerët e UÇK-së, për të cilët deputetja shprehu optimizëm për lirimin e tyre.