Pse Jordan Henderson shkruajti histori në Kupën e Botës?
Jordan Henderson u bë lojtari i parë anglez që luajti në katër edicione të Kupës së Botës
Londër — Veterani i Brentfordit, Jordan Henderson, bëri një paraqitje surprizë nga stoli në minutat e fundit të fitores 2-0 të Anglisë ndaj Panamasë në ndeshjen e fundit të fazës grupore të Kupës së Botës.
Duke hyrë në fushë në minutën e 84-t, 36-vjeçari shkroi histori, pasi u bë lojtari i parë anglez që ka luajtur në katër edicione të Kupës së Botës. Që nga debutimi i tij në Botërorin e vitit 2014, Henderson ka regjistruar 12 paraqitje në katër turne të ndryshëm, duke u bërë gjithashtu futbollisti i parë i Anglisë që ka marrë pjesë në shtatë turne të mëdha ndërkombëtare.
Henderson deklaroi për ITV: “Koha fluturon, apo jo? Është vërtet çmenduri. Gjithmonë e kam thënë se sa i nderuar jam që përfaqësoj vendin tim që nga dita kur debutova. Të jem ende në gjendje ta bëj këtë tani është një ëndërr e bërë realitet”, deklaroi ai.
Burim: Telegrafi
— Redaksia ZHURMA