Çfarë vlerëson Izet Mexhiti për 250-vjetorin e pavarësisë së SHBA-ve?
Bashkëkryetari i VLEN-it e quan Amerikën një 'horizont shprese' dhe aleatin që ndihmoi shqiptarët të fitonin lirinë në çastet më të vështira.
SHKUP — Bashkëkryetari i VLEN-it, Izet Mexhiti, ka dërguar urime për Shtetet e Bashkuara të Amerikës me rastin e 250-vjetorit të Pavarësisë. Mexhiti e ka cilësuar Amerikën si një nga ato kombe që nuk shkruajnë vetëm historinë e tyre, por arrijnë të ndryshojnë historinë e të gjithë botës.
Sipas tij, shpallja e pavarësisë amerikane para dy shekujve dhe gjysmë ndryshoi mënyrën se si njerëzimi e kuptoi konceptin e lirisë. Ai theksoi se SHBA-të janë shndërruar në një ide dhe një burim shprese për popujt që besojnë se liria nuk është një dhuratë, por një e drejtë themelore.
Mexhiti ndërlidhi këtë periudhë historike me përvojën e shqiptarëve, duke vlerësuar rolin e SHBA-ve në periudhat më kritike të fatit kombëtar. Ai deklaroi se në çastet më të vështira, Amerika nuk ishte thjesht një emër i largët në hartë, por aleati konkret që ndihmoi shqiptarët në fitimin e lirisë.
Në përmbyllje, ai u shpreh se miqësia me Shtetet e Bashkuara nuk duhet të trajtohet thjesht si një marrëdhënie diplomatike, por si një lidhje e ndërtuar mbi besimin, mirënjohjen dhe kujtesën historike. Mesazhi u mbyll me urime për popullin amerikan për ruajtjen e idealeve të lirisë gjatë gjithë këtij periudhe.
Burim: Almakos
— Redaksia ZHURMA