Italia tërheq përkrahjen për Infantinon në zgjedhjet e FIFA-s

Federata Italiane e Futbollit (FIGC) ka tërhequr përkrahjen për Presidentin e FIFA-s, Gianni Infantinon, i cili është nën presion për të dhënë dorëheqje. FIGC ka shkruar komunikatë zyrtare dhe ka thënë se do të vazhdojë punën përkrah ideve të UEFA-s.

Italia ka vepruar si shumë federata të tjera dhe është në kundërshtim me idetë e Infantinos. Në komunikatë thuhet se FIGC ka vendosur të tërheqë përkrahjen për kandidaturën e Infantinos për zgjedhjet në FIFA të planifikuara për marsin e vitit 2027.

Presidenti i Federatës italiane, Giovanni Malago, ka deklaruar se Italia do të vazhdojë punën me UEFA-n dhe shoqatat e tjera evropiane për të promovuar futbollin. Vendimi i Italisë lidhet me disa iniciativa të fundit të presidentit të FIFA-s, veçanërisht me planin për shitjen e të ardhurave nga Kupat e Botës te investitorët privatë, ide kjo e kundërshtuar më herët nga UEFA, AFC dhe CONCACAF.

Përpara Italisë, Infantinos i kishin tërhequr mbështetjen edhe gjashtë federata nordike: Suedia, Norvegjia, Finlanda, Danimarka, Islanda dhe Ishujt Faroe, si dhe ajo e Shqipërisë.