Çfarë ndodhi në shkollën fillore në Gjorce Petrov?
Dyert hyrëse të sallës sportive u dëmtuan dhe u sekuestruan dy aparate zjarrfikëse
SHKUP — Në një shkollë fillore në Gjorce Petrov, dyert hyrëse të sallës sportive u dëmtuan dhe u sekuestruan dy aparate zjarrfikëse, të cilat më pas u përdorën për t’u vënë flakën librave shkollorë në oborrin e shkollës. Ministria e Brendshme po merr masa për sqarimin e rastit.
Sipas informacionit nga Ministria e Brendshme, dje në orën 13:35, SPB Shkup ka marrë një njoftim nga shkolla se midis orës 4:00 dhe 5:00 të mëngjesit më 3 korrik 2026, dyert hyrëse të sallës sportive janë dëmtuar nga përdorimi i forcës fizike, nga ku janë nxjerrë dy aparate zjarrfikëse, të cilat janë përdorur në oborrin e shkollës, ku janë djegur libra shkollorë, gjithashtu të marrë nga shkolla.
Nga Shërbimi Shtetëror i Sigurisë Publike Shkup informojnë se një ekip inspektimi ka kryer këqyrje në vendin e ngjarjes, ndërsa shërbimet kompetente po ndërmarrin masa dhe aktivitete për sqarimin e plotë të rastit dhe gjetjen e autorëve.
Burim: Alsat-M, https://alsat.mk/incident-ne-nje-shkolle-fillore-ne-gjorce-petrov-libra-te-djegur-ne-oborr-dhe-dyer-te-thyera/
— Redaksia ZHURMA