Identifikohet 40-vjeçari që humbi jetën pas rënies në humnerë në Kelmend

Grupi hetimor ka zbardhur detajet nga ngjarja tragjike në Malësinë e Madhe, ku shtetasi Florian Sini ka humbur jetën pasi ka rënë në një humnerë. Më parë ishte raportuar vetëm për një 40-vjeçar, ndërsa burimet zyrtare tashmë kanë konfirmuar identitetin e viktimës.

Ngjarja ka ndodhur në fshatin Lëpushë, Kelmend, pasi Policia është njoftuar rreth orës 10:52 se shtetasi Florian Sini dyshohet se ka rënë në një humnerë. Shërbimet e Policisë kanë shkuar në vendngjarje dhe kanë konstatuar se, si pasojë e dëmtimeve të marra, 40-vjeçari ka ndërruar jetë. Grupi hetimor po vijon veprimet për sqarimin e plotë të rrethanave të këtij incidenti.