Ian Gillan shtrohet në spital, Deep Purple anulon koncertet

Vokalisti Ian Gillan është shtruar në spital pas një urgjence mjekësore, duke detyruar grupin legjendar të rokut Deep Purple të anulojë dy koncertet e planifikuara në Gjermani në kuadër të turneut botëror SPLAT!. Lajmi u bë i ditur përmes një njoftimi në Instagram, ku anëtarët shprehën keqardhjen për anulimin e ngjarjeve në Leipzig dhe Hamburg, ndërsa biletat e blera do të mbeten të vlefshme dhe po punohet për caktimin e datave të reja. Deri tani nuk janë publikuar hollësi rreth natyrës së gjendjes shëndetësore që solli shtrimin e këngëtarit në spital.

Në nëntor të vitit 2025, Gillan kishte ndarë me publikun vështirësimin e punës për shkak të problemeve me shikimin, duke treguar se i kishte mbetur vetëm 30 për qind e tij dhe se përshtatja ishte e lodhshme, ndërsa kishte lënë të kuptohej se largimi nga muzika mund të mos jetë i largët. Grupi Deep Purple u formua në Angli në vitin 1968 dhe njihet për hitet e njohura botërore si “Smoke on the Water” dhe “Highway Star”.