I mituri nga aksidenti në Kurbnesh transportohet me helikopter në Tiranë

Pasagjeri i mitur, rreth 15 vjeç, i cili u plagos në aksidentin në Kurbnesh të Mirditës, është transportuar me helikopter drejt Spitalit të Traumës në Tiranë. Lajmi u bë i ditur nga policia, e cila njoftoi se edhe drejtuesi i mjetit, shtetasi A. K., rreth 20 vjeç, u dërgua në të njëjtin spital.

Ngjarja ndodhi në aksin rrugor Lurë–Rrëshen, ku automjeti që drejtohej nga A. K. doli nga rruga dhe përfundoi në greminë. Si pasojë, pasagjeri C. N., rreth 20 vjeç, humbi jetën në vendngjarje, ndërsa dy personat e tjerë në mjet mbetën të plagosur.

Grupi hetimor, nën drejtimin e Prokurorisë, ndodhet në vendngjarje dhe po kryen veprimet për dokumentimin e plotë të rrethanave dhe shkaqeve të aksidentit.