Hungaria e re e cilëson Rusinë kërcënim për Evropën dhe rendin global

Qeveria e re e Hungarisë, e marrë në detyrë në maj, ka miratuar një dokument zyrtar ku Rusia cilësohet si “kërcënim” për Hungarinë, Evropën dhe rendin global. Dokumenti, i publikuar në Fletoren Zyrtare gjatë natës mes të martës dhe të mërkurës, u përgatit për Asamblenë e Përgjithshme të OKB-së dhe u nënshkrua nga kryeministri Peter Magyar.

Në dokument, qeveria hungareze dënon agresionin ushtarak rus dhe shpreh mbështetje të plotë për sovranitetin dhe integritetin territorial të Ukrainës, duke njohur të drejtën e saj për vetëmbrojtje. Gjithashtu, theksohet se sjellja e Rusisë rrezikon seriozisht pakicën hungareze në rajonin e Karpateve.

Megjithatë, qeveria e re shpreh mbështetje për negociatat që synojnë një paqe të qëndrueshme dhe garanci afatgjata sigurie. Ky qëndrim shënon një shkëputje nga politika e jashtme e qeverisë së mëparshme nën Viktor Orban, e cila kishte qasje më miqësore ndaj Moskës.