Haradinaj: Ligji për Specialen duhet të ashpërsohet në Kuvend

Ish-ministrja e Punëve të Jashtme, Meliza Haradinaj, ka reaguar përmes një postimi në rrjetin social Facebook lidhur me mundësinë që presidentja ta kthejë në Kuvend Ligjin për Dhomat e Specializuara. Ajo ka vlerësuar se çdo ndryshim i mundshëm në rast të kthimit të ligjit duhet të shkojë në drejtim të ashpërsimit juridik dhe jo të zbutjes së tij.

Sipas saj, çdo tërheqje apo zbrapsje në këtë çështje do t'i faturohet si dështim klasës aktuale politike. «Nëse Ligji për Dhomat e Specializuara kthehet në Kuvend nga Presidentja, ai duhet të ashpërsohet juridikisht, e jo të zbutet! Zbrapsja do t’i faturohet si dështim kësaj klase politike, po aq sa ishte dështim votimi i GjS në vitin 2015», ka shkruar ajo në reagimin e saj.