Hapa konkretë për krijimin e shtetit bektashi në Tiranë
Media franceze Intelligence Online shkruan se përgatitjet për shtetin sovran të Urdhrit Bektashi po hyjnë në një fazë të re.
TIRANË — Përgatitjet për krijimin e shtetit sovran të Urdhrit Bektashi në Tiranë po hyjnë në një fazë të re, me drejtuesit e komunitetit që po punojnë për strukturat e ardhshme institucionale dhe përfaqësimin e tij jashtë Shqipërisë, sipas një artikulli të publikuar nga Intelligence Online me autor Franck Renaud. Projekti, i shpallur nga kryeministri Edi Rama në Asamblenë e Përgjithshme të Kombeve të Bashkuara në shtator 2024, parashikon krijimin në Tiranë të një shteti me një sipërfaqe prej rreth 11 hektarësh. Media franceze shkruan se zyrtarizimi i tij nga autoritetet shqiptare pritet të ndodhë në muajt e ardhshëm, ndërsa drejtuesit bektashinj po shqyrtojnë mundësinë e krijimit të një monedhe të re, e cila do të quhej “bek”, si dhe të pasaportave.