Pse fajëson Gucati Sveçlën për armatosjen e policisë para intervistimit të Lushtakut?

SKENDERAJ — Hysni Gucati u shfaq në turmën që po pret intervistimin e Sami Lushtakut përpara Stacionit Policor në Skenderaj. Ai e kritikoi reagimin e forcave të rendit, duke e zhvendosur fajin nga policia tek “politika që e ka dërguar atë”.

“S’iu ka pasë hije,” tha Gucati për mediat, duke akuzuar ministrin e Brendshëm, Xhelal Sveçla, se “i ka çu me armë të gjata, me automatikë”.

Gucati, kryetar i Organizatës së Veteranëve të Luftës së UÇK-së, ka qenë vetë në qendër të procedimeve gjyqësore për rrjedhjen e dokumenteve të Dhomave të Specializuara.

Burim: IndeksOnline
— Redaksia ZHURMA