Kush i shpërndau grafitet për ish-udhëheqësit e UÇK-së në Prishtinë?
Muret e kryeqytetit u mbushën me portrete të Thaçit, Veselit, Krasniqit dhe Selimit me kërkesën në anglisht që të kthehen në shtëpi.
Redaksia ZHURMA · · Përditësuar · 1 min lexim
Prishtina u mbush këto ditë me grafite në gjuhën angleze që kërkojnë kthimin në shtëpi të ish-udhëheqësve të UÇK-së, të cilët nuk e kanë shkelur pragun e shtëpive të tyre prej më shumë se gjysmë dekade.
Këto shënime në mure shoqërohen me portretet e Hashim Thaçit, Kadri Veselit, Jakup Krasniqit dhe Rexhep Selimit. Ndonëse mesazhi përkrahet, autori i këtyre grafiteve mbetet mister, pasi organizatat e dala nga lufta e mohojnë përfshirjen në realizimin e tyre.
Klan Kosova nuk arriti të marrë një qëndrim zyrtar as nga platforma “Liria ka Emër” e as nga Partia Demokratike e Kosovës, parti prej së cilës dolën tre nga të katërt themeluesit e UÇK-së që po gjykohen aktualisht në Hagë.
Kjo mobilizim vjen pas protestave të javës së kaluar në Kroaci për drejtësi për katërshen e UÇK-së, në një kohë kur shpallja e aktgjykimit në Hagë pritet të bëhet më 16 shtator. Qytetarët shprehen se shpresojnë që këto kërkesa të kenë një efekt pozitiv.
Burim: Klan Kosova
— Redaksia ZHURMA
