Çfarë e lidh Reformën në Drejtësi me konceptin 4,000-vjeçar të Ma’at?
Ministri i Drejtësisë Toni Gogu viziton Berlinin dhe krahason reformën shqiptare me konceptin antik egjiptian të shtetit.
BERLIN — Ministri i Drejtësisë, Toni Gogu, nënvizoi rëndësinë e konsolidimit të Reformës në Drejtësi gjatë vizitës në muzeun “Neues Museum” në Berlin. Ai u shpreh se peshorja e drejtësisë, simboli i njohur i gjykatave tona, i ka rrënjët 4,000-vjeçare në konceptin egjiptian të Ma’at, që simbolizon të vërtetën, barazinë dhe rendin.
Gogu theksoi se Reforma në Drejtësi nuk është vetëm një kërkesë europiane për vendin. Sipas tij, ajo përfaqëson vazhdimin e një thirrjeje të brendshme dhe më thelbësore, bazuar në bindjen se shteti pa drejtësi nuk mund të jetë shtet.
Burim: ATSH
— Redaksia ZHURMA