Çfarë akuzohet gjyqtari Ristov për 350 mijë euro në mur?
Ish-gjyqtari i Apelit Gjoko Ristov akuzohet për fshehje pasurie dhe pastrim parash; Prokuroria gjeti gjurmë biologjike të tij mbi fletët e aluminit.
SHKUP — Më 28 maj fillon gjykimi për ish-gjyqtarin e Apelit Gjoko Ristov, i cili akuzohet për fshehje të pasurisë dhe pastrim parash. Në shtëpinë e prindërve të tij u gjetën 350 mijë euro të fshehura në një bunker special në mur.
Gjykimin do ta udhëheqë gjyqtarja Biljana Kocevska, ndërsa prokurore është Iskra Haxhivasilevska. Ristov ka mohuar akuzën, duke pretenduar se paratë ishin të prindërve nga shitja e rrushit dhe pronave. Prokuroria e demantoi këtë, duke konfirmuar se ekspertiza gjeti gjurmë biologjike të Ristovit në fletët e aluminit që mbështjellin paratë.
Në vendin e fshehjes u gjetën gjithashtu letra me numra evidentues të lëndëve gjyqësore, të cilat Prokuroria i asocion me detyrën e Ristovit. Rasti doli në dritë pasi i arratisuri Lupço Pecov, "Djalli", raportoi se po i kërkonin 100 mijë euro për t'ia hequr paraburgimin. Ndërmjetësues, ish-Avokati i Shtetit Fehmi Stafa, u kap në flagrancë me 20 mijë euro; ai pranoi fajësinë dhe u dënua me 15 muaj burg.
Burim: Telegrafi
— Redaksia ZHURMA