Gjon’s Tears flet për pasionin e kinemasë dhe projektet e reja

Këngëtari me origjinë shqiptare Gjon’s Tears ka qenë i ftuar në emisionin “Takohemi n’Vizion”, nën moderimin e Fjodora Fjorës, ku ka ndarë detaje nga jeta personale dhe ajo profesionale. Gjatë kësaj paraqitjeje, ai ka shprehur një pasion të madh për kinemanë, duke e cilësuar atë si një dëshirë edhe më të madhe se muzika, ndërsa ka konfirmuar se është duke punuar në krijimin e projekteve muzikore për filma. Përveç angazhimeve në fushën e artit, i pyetur nga moderatorja lidhur me jetën sentimentale, artisti u shpreh se ndihet mirë dhe preferon që dashurinë ta mbajë për vete.