Kalifornia goditet nga super El Nino dhe përballet me rrezikun e motit ekstrem

Kalifornia po përballet me pasoja të rënda nga fenomeni klimatik, i cili është quajtur me emra të ndryshëm nga “super El Niño” te “Godzilla”. Parashikuesit e motit kanë paralajmëruar se kushtet që po zhvillohen në Oqeanin Paqësor mund të arrijnë përmasa historike dhe të nxisin ngjarje ekstreme të motit në të gjithë botën.

Përpara këtij viti, Shërbimi Kombëtar i Motit i Shteteve e Bashkuara të Amerikës nuk kishte lëshuar kurrë një paralajmërim për përmbytje bregdetare për Zonën e Gjirit të San Franciskos gjatë shtatorit, por muajin e kaluar e bëri këtë dy herë. Uji përmbyti kryqëzimet dhe fshiu plazhet përgjatë bregdetit, ndërsa shkencëtarët dhe ekspertët e menaxhimit të emergjencave paralajmëruan se kjo është vetëm një shenjë e hershme e një dimri të stuhishëm. Stuhitë, përmbytjet dhe zjarret mund të ndodhin njëkohësisht. Dhjetëra milionë njerëz mund të përballen me pasiguri ushqimore dhe çmimet globale të ushqimeve mund të rriten më tej.