Si do të ndryshojë Gjini shpërndarjen e subvencioneve bujqësore në Rahovec?

RAHOVEC — Kandidati për kryeministër nga Aleanca, Ardian Gjini, ka deklaruar se qeverisja e tij nuk do të lejojë më që subvencionet bujqësore të shkojnë tek ata që nuk e punojnë tokën, por i marrin ato përmes lidhjeve familjare me njerëzit e Qeverisë në ikje.

Gjini bëri këto komente gjatë një takimi me qytetarët e Rahovecit, të premten. Ai u shpreh se komunë ka "bujqit dhe vreshtarët më të vlefshëm në Ballkan", duke shtuar se ata mbeten pa përkrahje ndërsa subvencionet shkojnë tek "kushërinjtë e tyre".

"Nuk kemi me lënë më, me marrë subvencione ata që nuk e punojnë tokën hiç, e i marrin se janë kushërinj të tyre, e me mbetë bujqit më të vlefshëm në Ballkan, që janë të kësaj ane. Të Rahovecit e anës së Drinit. Vreshtarët më të vlefshëm në Ballkan me mbetë pa i marrë. Nuk kemi me leju", ka deklaruar Gjini.

Ai premtoi gjithashtu se qeverisja e Aleancës do t'i përkrahë "fortë" bujqit dhe ata që jetojnë nga puna e tyre.

Burim: Lajmi.net
— Redaksia ZHURMA