Pse Gjermania u eliminua nga Kupa e Botës?

BERLIN — Pas eliminimit të Gjermanisë nga Kupa e Botës ndaj Paraguait, në mediat gjermane kanë nisur të dalin në pah detaje për probleme të brendshme gjatë grumbullimit të skuadrës në turneun e zhvilluar në SHBA, Kanada dhe Meksikë. Ish-kapiteni i Gjermanisë, Lothar Matthäus, në një intervistë për Bild, ka folur për tensione brenda ekipit që lidhen me organizimin e qëndrimit të familjarëve dhe çështjet e udhëtimeve.

Sipas tij, në skuadër kanë ekzistuar pakënaqësi për mënyrën se si janë trajtuar familjet e lojtarëve gjatë turneut. “Ka shumë gjëra për t’u përpunuar, si brenda ashtu edhe jashtë fushës. Probleme me bashkëshortet, me familjet… kishte gjithçka. Nuk e kuptoj pse familje të tëra duhet të jenë të pranishme që në fillim,” është shprehur Matthäus për Bild.

Ai shtoi se më pas kanë lindur edhe probleme me organizimin e udhëtimeve dhe rezervimet e hoteleve, duke krijuar tensione brenda grupit. “Disa lojtarë ishin të pakënaqur sepse kishte trajtim të ndryshëm: dikush udhëtonte me familjen, ndërsa të tjerët jo. Kjo krijoi debat brenda ekipit,” ka thënë ish-kapiteni.

Sipas Matthäus, këto situata kanë ndikuar në atmosferën e skuadrës dhe kanë sjellë pakënaqësi gjatë gjithë turneut. Ky eliminim erdhi si pasojë e humbjes ndaj Paraguait, duke i dhënë fund ëndrrës së Gjermanisë për të vazhduar në kompeticionin e organizuar në SHBA, Kanada dhe Meksikë.

Burim: Albinfo.ch, https://www.albinfo.ch/1prapaskenat-e-eliminimit-te-gjermanise-familjet-xhelozite-dhe-tensionet-ne-skuader/
— Redaksia ZHURMA