Gjendet i vdekur në shtëpi avokati i Duane Davis

Michael Sanft, avokati mbrojtës që përfaqësoi Duane “Keffe D” Davis në gjyqin për vrasjen e reperit Tupac Shakur, u gjet i pajetë në banesën e tij. Sipas të dhënave nga Las Vegas Review-Journal, vdekja e ligjorit 55-vjeçar nga Las Vegasi ndodhi vetëm pak javë pasi klienti i tij u dënua me 40 vjet deri në burgim të përjetshëm për organizimin e të shtënave fatale të vitit 1996.

Shakur u vra pasi u qëllua në një automjet të drejtuar nga Marion “Suge” Knight, ngjarje që shënoi një nga rastet më të bujshme të pazbuluara të Shteteve të Bashkuara deri në arrestimin e Davis në vitin 2023. Juria e shpalli fajtor Davisin për shkak të hakmarrjes pas një konflikti në kazinonë MGM Grand në Las Vegas Strip, ndërsa mbrojtja ka paralajmëruar ankimim të vendimit.

Autoritetet policore të Las Vegasit bënë të ditur se shkaqet e sakta të ngjarjes ende nuk dihen, por paraprakisht vdekja nuk konsiderohet e dyshimtë.