Gërvalla viziton Zyrën për Mbrojtje dhe Ndihmë Viktimave
Ministrja e Drejtësisë zhvilloi një takim me koordinatorin e Zyrës për Mbrojtje dhe Ndihmë Viktimave, Burhan Maxhuni.
Redaksia ZHURMA · · 1 min lexim
Ministrja e Drejtësisë, Donika Gërvalla, realizoi një vizitë zyrtare në Zyrën për Mbrojtje dhe Ndihmë Viktimave, ku u takua me koordinatorin e këtij institucioni, Burhan Maxhuni. Gjatë këtij takimi u diskutua mbi veprimtarinë, përgjegjësitë dhe mënyrën e funksionimit të këtij mekanizmi që vepron në kuadër të Zyrës së Kryeprokurorit të Shtetit. Përmes Mbrojtësve të Viktimave, zyra siguron përfaqësim dhe mbështetje gjatë procedurave në prokurori e gjykata, si dhe informim për të drejtat ligjore.
Gërvalla u bëri thirrje qytetarëve që të mos heshtin, por të denoncojnë rastet e dhunës dhe të kërkojnë ndihmë. Ajo rikujtoi se në dispozicion të qytetarëve është Linja Ndihmëse 0800 11112, e cila ofron një shërbim publik falas dhe konfidencial për raportimin e abuzimeve dhe informimin rreth mekanizmave mbrojtës. «Për dhunën nuk ka justifikim, për kryerësit nuk ka amnisti dhe për shkeljen e të drejtave të viktimave nuk ka tolerancë», u shpreh ajo.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar