Si e bindën trazirat në Capitol dhe Afganistanin Gashin për rrëzimin e Kurtit?
Ish-deputeti i LDK-së thotë se dy momente në historinë amerikane e bindën se vendimi i vitit 2020 ishte i duhuri.
PRISHTINË — Ish-deputeti i Lidhjes Demokratike të Kosovës, Arben Gashi, ka thënë se dy momente në historinë e SHBA-së e bindën se rrëzimi i Qeverisë Kurti 1 në vitin 2020 ishte vendim i mirë.
Në emisionin VV Show me Vehbi Kajtazin, Gashi ka treguar se mori përsipër leximin e mocionit të mosbesimit gjatë pandemisë, por theksoi se nuk e mori vetë vendimin dhe se nuk kishte raport me Richard Grenell, të dërguarin special të atëhershëm të SHBA-së.
"Dyshimet mu kanë hek në dy momente", ka thënë ai. Momenti i parë ka qenë trazirat në Capitol Hill më 2021, kur Gashi vlerësoi se energjia e grumbulluar tregonte se në Kosovë "i duhet një rezultat ndërkombëtar Trumpit me i fitu zgjedhjet". Momenti i dytë është tërheqja e ushtrisë amerikane nga Afganistani. "Ju kujtohen njerëzit kur hipnin nëpër rrota të aeroplanëve... Ato kanë mundur t'i ndodhnin Kosovës", ka shtuar ai.
Gashi ka thënë se po të vazhdonte ajo qeveri, Kosova do të mbetej pa përkrahjen amerikane.
Burim: Gazeta Express, https://www.gazetaexpress.com/rrezimi1-i-qeverise-kurti-1-ne-vitin-2020-dy-momentet-qe-e-binden-arben-gashin-se-ishte-vendim-i-mire/
— Redaksia ZHURMA