Gashi: s'ka kontrabandim të Ligjit për Përfaqësim
Opozita akuzon Kuvendin për nxitim të ligjit dy-vjeçar, ndërsa Gashi fton deputetët ta votojnë pavarësisht mangësive të mundshme.
PRISHTINË — Kryetari i Kuvendit, Afrim Gashi, hodhi poshtë akuzat e opozitës se po përpiqet të kontrabandohet miratimi i Ligjit për Përfaqësim të Drejtë dhe Adekuat. "Nuk është ideja që të kontrabandojmë diçka që e kemi filluar dy vite, po punojmë në mënyrë shumë të detajuar," tha Gashi, përcjell TV21.
"Në asnjë moment nuk kemi thënë se ligji është perfekt. Ai mund të ketë mangësi, por mangësitë po presupozohen apo po prejudikohen. Unë mendoj se duhet të kemi një ligj, sidomos për parimin kushtetues përfaqësim të drejtë dhe adekuat, shumë më mirë është të kemi një ligj, sesa mos të kemi fare," deklaroi ai.
Gashi tha se po provon të krijojë hapësirë që grupet parlamentare të komunikojnë për ligjin dhe i ftoi deputetët ta votojnë.
Burim: TV21
— Redaksia ZHURMA