Galatasaray vlerëson transferimin e Fisnik Asllanit nga Hoffenheim

Galatasaray, kampion i Turqisë, ka vendosur sulmuesin e Kosovës Fisnik Asllanin në listën e përforcimeve të dëshiruara për repartin ofensiv, sipas gazetarit turk Haluk Yürekli.

Drejtuesit e klubit nga Stambolli kanë filluar vlerësimin e dokumentacionit dhe të të dhënave mjekësore të lojtarit 23-vjeçar, të cilit i është përfunduar sezoni me 35 ndeshje, 21 gola dhe asistime, duke ndihmuar Hoffenheimin të kualifikohet në Ligën e Evropës.

Interesimi duket se ka kaluar fazën fillestare, megjithatë deri më tani nuk ka ofertë zyrtare ndaj klubit gjerman. Hapi i ardhshëm do të zbulojë nëse do të nisin negociatat konkrete me Hoffenheimin.