Dënimet e rënda nga Federata e Basketbollit të Kosovës

PRISHTINË — Komisioni Disiplinor i Federatës së Basketbollit të Kosovës ka shpallur vendimet ndëshkimore pas ngjarjeve të dhunshme dhe sulmit fizik ndaj arbitrave dhe delegatit, të cilët u sulmuan në rrugën nga palestra për te parkingu prapa Pallatit të Rinisë pas takimit ndërmjet Sigal Prishtinës dhe Golden Eagle Yllit.

Klubi i Sigal Prishtinës është ndëshkuar me masën disiplinore që tri ndeshjet e ardhshme si vendas t'i zhvillojë pa praninë e shikuesve në tribuna. Ndërkaq, anëtari i Bordit të këtij klubi, Gentian Rexhepi, është pezulluar nga çdo aktivitet dhe detyrë në basketboll për një periudhë prej 24 muajsh. Sipas vendimit zyrtar të komisionit, atij i ndalohet gjithashtu qasja në palestra gjatë zhvillimit të ndeshjeve, garave dhe aktiviteteve të tjera nënnën kujdesin e FBK-së.