Sa skuadra garojnë për 2,100 euro në finalen LAN të 'Sharri 5v5'?
Edicioni i tretë i turneut të CS2 mbahet të dielën, më 5 korrik, në Bresanë të Dragashit, me 8 finalistë dhe prizepool prej 2,100 eurosh.
DRAGASH — Të dielën, më 5 korrik, Shtëpia e Kulturës "Alajdin Xhezairi" në fshatin Bresanë do të presë finalen e madhe LAN të turneut "Sharri 5v5", edicioni i tretë i ngjarjes së eSportit të organizuar nga Klubi eSport Sharri dhe Komuna e Dragashit. Pas dy javësh garesh intensive, 8 skuadrat më të mira të Kosovës do të sfidohen me format eliminues.
Faza kualifikuese nisi më 22 qershor me 26 skuadra dhe 147 lojtarë nga e gjithë Kosova, duke përdorur grupe dhe formatin Swiss. Gjatë dy javëve, ndeshjet u transmetuan çdo mbrëmje me mbi 5 orë stream në Twitch dhe YouTube, duke tërhequr qindra shikues aktivë.
Skuadrat finaliste garojnë për një prizepool prej 2,100 eurosh, ndërsa lojtari MVP do të shpërblehet me pajisje profesionale gaming — maus Logitech Superstrike dhe FiftyPad — të ofruara nga partneri Gjirafa50. Finalja pritet të zhvillohet me intensitet të lartë, duke mbyllur edicionin e tretë me spektakël.
Burim: Telegrafi
— Redaksia ZHURMA