Filmi "The Odyssey" i Christopher Nolan-it kap 2.1 milionë shikime në dy orë e gjysmë në X
Universal Pictures ndërhyri menjëherë për të hequr filmin dhe paralajmëroi për sanksione ligjore
LOS ANJELES — Filmi 'The Odyssey' i Christopher Nolan-it kap 2.1 milionë shikime në dy orë e gjysmë në platformën X, ku një kopje me cilësi të lartë u publikua dhe u pa nga miliona përdorues përpara se të hiqej. Sipas Variety, llogaria që e kishte postuar videon e plotë u pezullua.
Më pas, një version tjetër me cilësi më të ulët u shfaq për rreth dy orë, dhe gjithashtu u hoq shpejt. Në rrjetet sociale, përdoruesit ironizuan faktin se filmi, i realizuar për ekranet gjigante IMAX, po ndiqej në postime të rastësishme, duke shkaktuar reagime të shumta.
Universal Pictures konfirmoi ndërhyrjen e menjëhershme për të hequr materialin dhe paralajmëroi se shkelja e të drejtave të autorit do të ndiqet me masa ligjore. Pavarësisht rrjedhjes, filmi nuk duket i dëmtuar në arkëtimet: gjatë fundjavës së dytë arkëtoi 215 milionë dollarë, duke e ngjitur totalin global në 640 milionë dollarë.
Burim: Gazeta Tema
— Redaksia ZHURMA