Fidan Shatri: Janë respektuar afatet për Lojërat Mesdhetare

Zyrtari i Ministrisë së Kulturës, Rinisë dhe Sportit, Fidan Shatri, ka deklaruar se janë respektuar të gjitha afatet për Lojërat Mesdhetare. I ftuar në emisionin “Frontal” me Arsim Lanin në T7, Shatri foli rreth shqetësimeve të fundit për mbajtjen e këtyre lojërave më 2030 në Kosovë.

Sipas tij, të gjitha afatet deri më tani janë respektuar, ndërsa shtoi se në muajin shtator ka pasur probleme politike. Ai theksohet se kjo çështje i intereson edhe Komitetit Ndërkombëtar, ndërsa theksoi se Qeveria e Kosovës mbetet garantuese për mbajtjen e Lojërave Mesdhetare.