Fatmir Xhafaj kundërshton në Asamble përjashtimin e Spiropalit dhe Ndrecës

Gjatë mbledhjes së Asamblesë Kombëtare të Partisë Socialiste, e cila po zhvillohet me dyer të mbyllura në Gjirin e Lalëzit, deputeti Fatmir Xhafaj ka dalë kundër propozimit të kryeministrit Edi Rama për largimin e Elisa Spiropalit dhe Plarent Ndrecës nga radhët e kësaj force politike. Sipas informacioneve nga mbledhja, debatet dhe tensionet nisën pas fjalës së kreut të partisë, ku u shfaqën kritika nga deputetja Spiropali lidhur me mënyrën e drejtimit të partisë, ndërsa Ndreca është përmendur si avokat që nuk merrte pjesë në punime.

Pas këtyre zhvillimeve, u kërkua që e ardhmja e tyre të hidhej në votim për përjashtim, por Xhafaj kërkoi që ndaj tyre të mos ndërmerret masa ekstreme. Xhafaj u shpreh gjatë diskutimeve: «Të jetë ditë e parë për të gjithë. Të marrin masa, por jo të përjashtohen».