Fatjona Kasapi dhe Flaka Loxha shënojnë fitore në Grand Prix të Zagrebit

Xhudistja kosovare Fatjona Kasapi ka nisur me fitore paraqitjen e saj në Grand Prix të Zagrebit, duke mposhtur serben Andrea Stojadinov në kategorinë deri në 52 kilogramë. Sipas të dhënave nga ngjarja, ajo triumfoi me Yuko në kohën shtesë gjatë duelit të parë. Në xhiron e dytë, Kasapi ka mposhtur edhe austriaken Carina Klaus-Sternëeiser, ndërsa në sfidën e radhës do të përballet sipas shortit zyrtar të Federatës Ndërkombëtare të Xhudos për të siguruar triumfin në Pool B dhe kalimin në gjysmëfinale.

Në këtë garë po marrin pjesë xhudistë nga 66 shtete, ndërsa nga ana tjetër, fitore ka regjistruar edhe xhudistja tjetër kosovare, Flaka Loxha. Në kategorinë deri në 57 kilogramë, ajo e mposhti xhudisten kroate Ana Viktorija Puljiz me uazari, pasi në xhiron e parë kishte mundur Angjela Samargjiqin nga Bosnjë-Hercegovina. Ndërkohë, pengesën e parë në këtë ngjarje e ka kaluar edhe Erza Muminoviq.