Erza e Aulona Zubaku vdesin në A5 të Gjermanisë
Pse u bë fatal frenimi i tyre në autostradën gjermane?
FRANKFURT — Dy motra nga Topanica e Kamenicës, Erza (23 vjeçe) dhe Aulona (17 vjeçe), kanë humbur jetën në një aksident zinxhiror në autostradën gjermane A5, të shtunën e kaluar. Të dyja jetonin në Olten të Zvicrës dhe po udhëtonin drejt Gjermanisë për të vizituar të afërmit.
Sipas policisë gjermane, në aksidentin zinxhiror u përfshinë pesë automjete. Babai i vajzave rrëfeu se motrat u detyruan të frenonin për shkak të një aksidenti të mëparshëm, por një makinë që vinte pas tyre nuk ndaloi me kohë dhe u përplas me forcë të madhe. Të dyja ndërruan jetë në vendngjarje.
Erza sapo kishte përfunduar shkollimin e lartë profesional dhe punonte në Olten, ndërsa Aulona ishte në vitin e dytë të përgatitjes profesionale. Ati i tyre tha se vajzat ishin në lulen e rinisë dhe e donin shumë jetën.
Familja ka nisur përgatitjet për t'i dërguar trupat në Kosovë, ku do të bëhet varrimi. Tragjedia ka tronditur mbarë rrethin e tyre në Olten.
Burim: Telegrafi
— Redaksia ZHURMA
