Dy zyrtarë policorë dyshohet se janë larguar pas rrahjes së dy shqiptarëve

Një zyrtar maqedonas dhe një boshnjak nga radhët e policisë dyshohet se janë larguar nga Maqedonia e Veriut, pasi u zbulua dhuna ndaj dy qytetarëve shqiptarë. Deri më tani, autoritetet kompetente nuk kanë dhënë konfirmim zyrtar lidhur me këtë largim. Nga ana tjetër, mbrojtësi ligjor i disa prej policëve të përfshirë në këtë ngjarje ka kërkuar nga Prokuroria mbrojtje dhe garantim të sigurisë për klientët e tij, duke përmendur se ata kanë marrë mesazhe me kanosje për jetën. Këto kërcënime të pretenduara mund të kenë ndikuar që dy efektivët të braktisin vendndodhjen e tyre. Nëse vërtetohet largimi i tyre dhe braktisja e detyrës, nga Ministria e Punëve të Brendshme pritet të ndërmerren hapa të përshtatshëm, duke përfshirë edhe lëshimin e fletarresteve bazuar në vendimet e organeve kompetente.