2 të rinj shqiptarë humbin jetën në një aksident me motor në Kretë
Ekipet e emergjencës transportuan të plagosurit; policia heton për shkaqet e aksidentit
HANIA — Dy të rinj shqiptarë kanë vdekur si pasojë e një aksidenti në ishullin e Kretës në Greqi. Aksidenti u regjistrua rreth orës 03:00 në autostradën kombëtare, ku motoçikleta me të cilën udhëtonin dy shqiptarët ka dalë nga rruga për arsye që ende nuk janë përcaktuar.
Pas daljes nga korsia, motoçikleta është përplasur me barrierën metalike mbrojtëse të rrugës, duke shkaktuar plagë të rënda te dy të rinjtë. Ekipet e emergjencës mbërritën menjëherë në vendngjarje dhe i transportuan të plagosurit me ambulancë drejt Spitalit të Hanias.
Pavarësisht ndërhyrjes së mjekëve, të dy viktimat nuk mundën t’u mbijetonin plagëve dhe u shpallën të vdekur. Policia greke ka nisur hetimet për të përcaktuar shkaqet e aksidentit dhe rrethanat e plota të ngjarjes. Burim: Tetova Sot, https://tetovasot.com/2026/07/tragjedi-ne-krete-motocikleta-del-nga-rruga-humbin-jeten-dy-te-rinj-shqiptare/
— Redaksia ZHURMA