Dogana kontrollon argjendarinë e Zef Grudës në Prizren
Zyrtarët doganorë verifikojnë dokumentacionin dhe prejardhjen e mallit për dyshime kontrabandë dhe mall të padeklaruar.
PRIZREN — Dogana e Kosovës ka nisur një kontroll në argjendarinë e Zef Grudës në Prizren, pas dyshimeve që në ambient të ndodhet mall i kontrabanduar dhe mall i padeklaruar, sipas informacioneve që ka Gazeta Sinjali.
Zyrtarët doganorë po kontrollojnë dokumentacionin përkatës dhe prejardhjen e produktëve për të verifikuar nëse janë futur dhe qarkulluar sipas procedurave dhe detyrimeve doganore. Ende nuk është e njohur sasia dhe vlera e mallit në kontroll, as nëse ka ndodhur sekuestrim i arit apo produkteve të tjera.
Burimet theksojnë se dyshimet e ngritura gjatë hetimit nuk paragjykojnë përgjegjësinë penale të personave të përfshirë, e cila mund të përcaktohet vetëm me vendim gjyqësor.
Burim: Sinjali
— Redaksia ZHURMA
