Çfarë bashkëpunimi ofroi Dibrani me Burgjet e Shqipërisë?
Shefi i Shërbimit Korrektues të Kosovës priti Adriatik Kupin dhe përfaqësues të ICITAP-it për inteligjencën korrektuese në Ballkan.
Redaksia ZHURMA · · Përditësuar · 1 min lexim
PRISHTINË — Drejtori i Përgjithshëm i Shërbimit Korrektues të Kosovës, Ismail Dibrani, ka pritur sot në takim homologun e tij shqiptar, Adriatik Kupi, drejtor i Përgjithshëm i Burgjeve të Republikës së Shqipërisë, si dhe përfaqësues të ICITAP-it për Inteligjencën Korrektuese në Ballkan.
Në delegacion ishin Frank Karam, këshilltar i ICITAP për Kosovë dhe Shqipëri, dhe Jeffery Woodworth, këshilltar për Maqedoninë e Veriut. Dibrani e uroi Kupin për detyrën e re dhe ofroi "bashkëpunim e mbështetje të plotë" për forcimin e marrëdhënieve institucionale.
Gjatë takimit u diskutuan sfidat e Shërbimit Korrektues të Kosovës, me theks në rehabilitimin e të dënuarve, sigurinë dhe burimet njerëzore. Palët ranë dakord për thellimin e bashkëpunimit në inteligjencën korrektuese ndërmjet dy vendeve.
Burim: Zëri
— Redaksia ZHURMA
