Deputetët nga Kosova dhe Shqipëria përmbyllin vizitën në Izrael

Një delegacion i përbashkët i deputetëve nga Kosova dhe Shqipëria ka përmbyllur vizitën e tij pesëditore në Izrael. Lajmi është bërë i ditur nga ambasadorja e Izraelit në Kosovë, Tamar Ziv, përmes një postimi në platformën X. Sipas saj, gjatë kësaj vizite delegacioni ka zhvilluar takime me institucionet kryesore izraelite, të cilat kanë shërbyer si mundësi për dialog dhe shkëmbim përvojash.

Ziv ka theksuar se vizita u zhvillua gjatë ditëve të fundit të fushatës zgjedhore në Izrael, duke u mundësuar deputetëve të njihen nga afër me jetën politike, kulturën dhe shoqërinë e vendit, përmes kontakteve të drejtpërdrejta me përfaqësuesit e institucioneve.